| تبليغات | X |
|
و ه ر کـــ ه مــــ ه ر (v a r k a m a r)
وبلاگ شخصی شعیب خالـدی زاد
|
(1) مەشیۆ پتەو بمدرمێرەو پەی ئازادی وێمان حەول بدەیمێ هیچ کەس نمەتاوۆ پێسەو حەیوانێوە چوار پەلی سواری کێشۆرە چەنەت ... مەگەر ئینە کە چەمیەی بینۆوە پەیش ..(مارتین لوتر کینگ) (2) جە هەر چێوەی تازەکەش هور چنە وەلێم جە ڕەفێقی کۆنەش (گاندی) (3) سەرتەر جە گر چێوەی ئینەنە کە چەنی وێت درێ نەدەی . (ویلیام شکسپیر) (4) گەورەتەرین دەرس و گوزەرانی ئینەنە کە جارووبار ئەحمەقێچ ڕاس ماچانێ . (وینستون چرچیل) (5) کەسێوە کە فرە ڕاوێ مەدۆ یا فرە زانان یا فرە درۆزنەن (گاندی) (6) ئارامش ژەنێوە دڵڕفێنەنە کە نزیکی یانەو زانەیوەنە مەنزڵ گیرە بیێنە (اپیکارموس) (7) هەرمانە دووپێک کریاکێمان (تکراریەکێمان) ، نشانەو شەخسیەتیمانەنێ (ارستو) (8) هەرچی پێرۆزیێو وەشبەختیێ ئەمنەنێ ، جە بەرانێوە ئەومێنێ دلێ ژیوەیم ، کە وەختوو وێش عال بینەی بێنێم (بایرون) (9) وەش بەختی نا بەینوو پەردەو بەدبەختیەنە (دن مارکی) (10) گوزەران ، جەنگوو بەینوو هەستیەنوو ئاوەزی (مارک تواین) (11) خوایا ! ئەمنی پارێزنە جە ڕەفێقەکانم ، چوون مەزانوو چەنی وێم پارێزنوو جە دژمەنەکانم (ولتر) (12) بهتەرین و ڕاسکانی تەرین ڕەفێقێم کەمدەسەڵاتەکێنێ ، دەسەڵاتدارێ چێوەی جە ڕفاقەتی نمەزانان (موزارت) [ 91/02/27 ] [ 12:57 ] [ شعیب خالـدی زاد ]
[ ]
ماچان ڕێوە دزێوە دلێ ڕەێنە بەسێوەش بێسۆوە کە چێوەی بەنرخوو گران بەهاش چەنە بێ . هەر پاسە دۆعەیوەیچ پاڵشەنە نریابێرە . کابرا بەسەکەش هور گرتوو بەردشۆوە پەی ساحیویش . واتشا : پچی ئەپێسە ماڵێوەت جە دەس دا؟ واتش : ساحیوو ماڵ باوەڕش پینەیە بێ کە ئی دۆعەی ماڵەکەش مەپارێزنۆ، ئەمنیچ دزوو ماڵەکەیشەنان نە دزوو دینیش ، ئەگەر ماڵەکەش نەدەیبیامۆوەو باوەڕوو ساحیو ماڵیم سیس کەردی بیا ، ئاوەختە ئەمن دزوو باوەڕەکانیچش بێنێ و ئینەیچە دوور جە ئنسافی بێ . [ 91/02/02 ] [ 9:30 ] [ شعیب خالـدی زاد ]
[ ]
ڕازێوە ڕاسکانیە ئی ڕازێ ڕاسکانیەنەو ژاپۆنەنە قۆمیەینە کابرەیوە دیواروو یانەکەیش تێک دابێ پەی ئەوە وەش کەردەیش دیوارێ یانانوو ژاپونی یاگێوە هاڵیە نا بەینشانەنە. ئی پیا چی تەوومانە کە خەریک بێ دیوارەکەی تێک دێ چەمش کەوت بە مەزووکێوە کە مێخێوە جە دیموو بەریۆوە چەقەیبێ پەیشەرە. دڵش سۆت پەیشو واتش مەشیۆ بزانوو ئی ڕازێ چێشەنە . ساتێوە کە مێخەکەی سەرو چێر کەرێ سەرەش ماسا. ئی مێخە دەساڵێ چیوەڵی وەختوو وەش کەردەو یانەکەی کوویەیبێرە، چێش قومیان ؟ جە یاگێوەنە تاریک ، بێ جووڵیەی ، ئی مەزووکێ دەساڵێ زننێ مەنێ بێ. پێسە چێوەی هور نمەخیزیۆو باوەڕ نمەکریۆ. بۆنەو ئی ماجەرایە هەرمانەکێش وەرە داو نشتەرەو واقوو مەزووکەکێ بیە. داخم چی ماوانە چێشش کەردەبۆ، چەنی و چێشش واردەبۆ. هەر پاسە کە چەمش نەترووکنێ چەنەش ناماوە مەزووکێوە تەرش چەم پەنە کەوت کە چاشتیش دەمەنە بێ و ڕوەو ئادی ئێ. پیاکە تەمام شیویا. دەساڵێ وەی کەردەی، چ عشقێوە جوانو زەریف ؟ ئەگەر چێوەی پی گولالەیییە بتاوۆ عشقێوە پی گەورەییشە بۆ. دەی بەورە وەرو چەمیت کە ئێمە تا چننە مەتاومێ عاشقێ بێمێ، ئەگەر حەول بدەیمێ. [ 91/01/18 ] [ 9:26 ] [ شعیب خالـدی زاد ]
[ ]
ڕێوە پاشەیوە پرسیارەی ئەومە وەرۆ پەیش واتش مەشیۆ بزانوو پیس تەرین چێو دنیانە چێشەن؟ پی بۆنەوە وەزیرەکەش کەرد مەمووروو ئی هەرمانێ کە بلۆ پیس تەرین چێوی بێزۆوە. واتش هەر کەس بزانۆش ، تەماموو تەختوو تاجوو وێم مەبەخشوو پەنەش. وەزیرەکە کەوت ڕا لوا سەفەر. دماو یەک ساڵە گێڵەی و پەرسا پەرسای جە مەردمی پی ئاکامەیە یاوا کە پیس تەرین چێو گووو بەشەریەن . هورگێڵاوە پەی وەڵاتەکەو وێش. نزیکووشاری شوانێوە مەوینۆ ماچۆ با چیدیچی پەرسوو شایەد جواوەی تازەش بۆ. دماو قسەکەردەی چەنی شوانەکەی، ئاد بە وەزیرەکەی واتش : ئەمن جواوەکەی مەزانوو وەلێم شەرتەش هەنە ! وەزیرەکە بێ ئینەیە شەرتەکێ بژنەوۆ ماچۆ باش. شوانەکە ماچۆ تۆ مەشیۆ گوو وێت بوەری. وەزیرەکە پاسە تووڕە بی کە نزیک بێ شوانەکەی بکشۆ. شوانەکە واتش : مەتاوی هەرچێنە ئەم بوکشی وەلێم خاترت جەم بۆ کە جواوێوە کە گێرتەنت ئشتبان ،بۆ ئی هەرمانێ کەرە ئەگەر جواوێوە رێک و پێکت چەمن نەژنەوی بوکشەم. وەزیرەکە بۆنەو یاوەی بە تاجوو تەختی ئەرینەش دا بە قسەکێو هەرمانەکێش کەردە. دماوە شوانەکەی وات : پیستەرین چێو، چی دنیانە تەماعەنە، کە تۆ بۆنەو ئادیۆ حازر بیەی چێوەی کە زانیشی پیستەرین چێوو دنیایەن بوەریش. [ 91/01/04 ] [ 10:50 ] [ شعیب خالـدی زاد ]
[ ]
نەورۆزتان پێرۆز بۆ
ئاماوە وەهار ، وەهاری شادی بۆی عەتر نەسیم غونچەی ئازادی خێڵ خانەی خەفەت بار بەنیش کەردەن مەینەت ڕوو نیان وە ماوای مەردەن خەم وێنەی کەمان قامەت خەم بیەن هەوارگەی قەدیم نە دەسش شیەن بەزم شەوق و عەیش نە دەروون جەمەن ئانە هیچ نەبۆ نە دەروون ، خەمەن ئینە نەتیجەی دیای باڵای تۆن نیشانەی وساڵ خاڵ ئاڵای تۆن سروور نەشئەی بادەی وەسڵ تۆن تەئسیر بۆی عەتر موشک زوڵف تۆن سا پێم دەر ، دەی دەی ، پەی پەی ، نەو مەی مەی لتایف مەردەم یەکسەر بکەر حەی تا پەی یارانیچ وە ئتمینان بۆ سەرمایەی نشات دڵ حەزینان بۆ مەولەوی(مەعدووم)
جاسووس پێشڕۆ ئهوهڵ وههاران هۆر کهنذهی بهیزای بهرگ کۆساران سا دهخیل شهماڵ تاقهتم تاقهن دڵ نه گێج مهوج سهوذای فێراقهن جهستهی پهشێو حاڵ شاذی بهتاڵم پهی دووری ئازیز دهروون زۆخاڵم تۆ نهسیم سۆح سهر دیارانی ئهمین و مهحرهم لای نازارانی تۆ گهنج قهیسهر وه دهوان دهو وه تاراج بهردی پهرێ کهیخهسرهو نامهی شیرینت وه فهرهاد سپهرد فهرهاد جه ئاهش سهنگ مهکهرد وه گهرد مینگهت وست وه لای باوان لهیلێ عهرزهی قهیس وانای فره جار خهیلێ دڵهی مهینهت بار قهترانی حهیدهر شاذ کهردی وه دین دیذهی سنهوبهر نیشانهی وامق پهی عۆزرا بهردی نار ئاسا جهرگش وه کهواو کهردی ههر پهی تۆ ئامان ئاوهردهی ههواڵ یهههر ڕهسم تۆن فێذات بام شهماڵ سا دهی وێت ئاسا هۆرزه ئاخێز کهر مذارا مهکهر وه یاذ دڵبــــــــــــــــهر زلان بهذ حاڵهن حیچ خهوفت نهوۆ ڕوو بنیه وه ڕووی ههرد شاهۆ کۆ (میرزا ئهولقادری پاوەیی) [ 90/12/29 ] [ 19:55 ] [ شعیب خالـدی زاد ]
[ ]
دەسەڵاتدارێوە نزیکو مزگی قەڵاو فەتحلڵاو کابولیەنە رستورانێوەش وەشە کەردە کە دلێشەنە موسیقیو رەقسبەرپا بێ ، تازە شەراویچ نیێنێرە پەی موشتەریەکان. مڵاو مزگیچوەختوو تەمام بیەو موچیاریەکانش تکاولاڵە ئەوخودەی کەرێ تا ساحیو رستورانەکەی نابۆد کەرۆ یا بەڵەیوە جە ئاسمانۆ بوارنۆ ملو رستورانە کەیرە ! هێشتا مانگەی جە ئەرەمەرزیەو رستورانەکەی نەویەردەبێ کە هەورەترێشقێوە سەخت ڕوەش داو رستورانەکەش کەرد بە بوڵە. رۆی دماشۆ
ملڵاکە بە شانازیێوە فرەی وەڵێنە سپاسو خودەی گەوریش بە یاگێ ئەوردوو دماوە وێران
بیەو یانەو گوناکارەکانش موارەک وات بە مەردمی و واتش : ئەگەر مۆئمن جە قووڵایی
دڵیۆوە چێوەیش جە خودەی داوا کەرد خودا جواوی رەدش پەنە نمەدۆو ناهومیدش نمەکەرۆ. وەلێم دڵ وەشی موئمنەکان و ملڵاو مزگی ئەننەش
پەنە نەشی. ساحیو رستورانەکە شکایەتش بەرد لاو قازی و جە
ملڵاو مزگی داوا زەرەرێوە کەرێ کە توشش ئەومە بێ. مۆئمنەکێێ چەنی ملڵاکەی پێسە
واتێوەشا ناڕەوا زاناو قەبوڵشا نەکەردو رەدشا کەرد. قازی هەردوە لاش چڕیێ پەی مەحکەمەیو دماو
ئینەیە کە قسێ هەردوە لە و مەرافەکەیش گۆشێ گرتێ نەفەسێوەش تازە کەردۆوەو واتش : بەراسی
نمەزانو چێش واچوو ؟ ! قسێ هەردوە لەیم گۆش دەی. لایوەنە ملڵاکەنو
مۆئمنە کێنێ کە بە گیرا بیەوتکاو لاڵەی باوەڕشا نیەن. لایوە تەریچەنە پیەی شەراو ورەشەن کە ئیمانش بە
گیرایی تکاو لاڵەی هەن .
[ 90/12/27 ] [ 2:0 ] [ شعیب خالـدی زاد ]
[ ]
یانـهو خــامـۆشــی / شعیب خالدی زاد / پاوه پـڕ جـه مهینهتهن بــێ وهفــان دهوران میاونـۆ سهمهروو مهوزۆ لــێ قـهوران مــەزانی پەیچی ئامێــنمێ دنیــا ؟ ئامێنمێ بژیومێ پـهی جەفاو جهوران ئازیز مەپەرسە جــە دووری یــاری رۆحم چنن مانیاو تەژنەنوو ئەوران لێڵەن تاریکەن شـارەکەو شهوقـیـم وهر زهنجیرکریان جه پهشتهوههوران شیـریـنهن وتـــهو یانـهو خــامـۆشــی وهشڵــهی پا ڕۆیــه مـزگانیش مـهوران شعیب خالدی زاد/shoaib khaledizad [ 90/12/22 ] [ 14:53 ] [ شعیب خالـدی زاد ]
[ ]
نزیکی دەگەو ماموساینە یاگێوە بەرزە بێ. چا یاگێنە شەوانی وا هور کەرێ و کەرێش زقم. ڕەفێقی مامۆسای واتشان : مامۆسا ئەگەر بتاوی بڕکەری و، شەوێوە بێ ئانەیە ئەیرەێوەت گیسنابۆنە ، رۆ کەرینێووە ، خەڵاتێوەت مەدەیمێ پەنە، وەرنە تۆ مەشیۆ میمانیێوە گەورە بوزی ڕاو ئیمەی بچڕی. مامۆسا ئەرینەش داو شەوێ لوا پەی ئا یاگێ. تا سوح مامۆسا پیچیەی پیچیا وێشەرەو سەرداش چەشت. ساتێوە کە هوا ڕۆشنش کەرد ئەومۆوە پەی دەگەی و واتش : ئەمن نابەردم و زوکەردێ خەڵاتەکەم بدەیدێ پەنە . واتشا مامۆسا جە هیچ ئەیرێوە بەهرەت نەوەرد ؟ واتش : نە ، تەنیا دلێ یۆ جە دەگاکان دەلاقێوە واز بێ و پاسە دیار بێ شەمێوە دلێشەنە گڕەی مەگڕۆ ! ڕەفێقەکێش واتشا : هەر ئا ئەیرە تۆش گەرمەرە کەردینی ، بەنا پینەیە باختەنت و مەشیۆ مێمانیمان کەری. مامۆسا ماچۆ باش ، واتش فڵان ڕۆنە پەی چاشتەو نیمە ڕۆی بەیدێ پەی یانەیم . ڕۆکە یاوا وەرۆوەو ڕەفێقەکێش یۆیۆ ئامێ پەی یانەکەیش . وەلێم پاسە دیار بێ هیچ خەوەرەی جە چاشتێ نەوێ واتشا مامۆسا ئەی چاشتیت کۆنە ؟ مامۆسای وات : چاشتیم نیەینە سەر وەلێم هەڵای نیاوەینە پەنە .. دوێ یەرێ سەعاتێش پەنە شی دیسان چاشتی هەر وەشە نەویێبێ ؟! مامۆسای وات: هێشتا ئاوەکێ نەومێنە قوڵێ ، تا برێنجەکەش کەروو دلێ . ڕەفێقەکێش هورزەی لوەی پەی سەروو تیانەکێ بزانان چ خەوەرەن ، دیشان مامۆسا تیانێوە گەورێش تاقەنە ئاڵووچنەینەرەو دوێ مترێ واریچشۆ شەمێوە گولالێش نیانەرە چیریش ! واتشا : مامۆسا ئی شەمێ کەی مەتاوۆ ئا تیانە گەورێ کە دوێ مترێ دورەنە چەنەش گەرمەرە کەرۆ ؟ واتش : ئەی چەنی تاوێ ڕێوەڕا دوور ئەمنی سەروو تەپەکەینە گەرم کەرۆ؟! ئیسەیچ بنیشدێرەو ماتڵێ بێدێ تا چاشتەکێ بیاوۆ پەنە .... [ 90/12/14 ] [ 13:46 ] [ شعیب خالـدی زاد ]
[ ]
چوار دانشجوێ شەوەو ئمتحانی بە جیاتی ئینەیە دەرس بوانانێ، لوەی بێنێ پەی مێمانیێوەو وەش ویاردەی. هیچ ئامادەگی ئمتحانیشان نەوێ. ڕۆ ئمتحانی یاوا وەرۆوەو ویرو چارێوەشان کەردو فێڵیێوەشان تاشنا. پی جۆرە کە دەسو پلوو دیموڕووشان پیس کەردو قەیرێوەیچ سیپاڵەکێشان دڕیێو وێشا تەمام واڕا . دماوە یەک ڕاس نەمدرەی تا لاو ئوستادی. واتشا ئوستاد هیزی شەوێ لوەیمی پەی زەماننێوە جە بەرو شاری، وەختێوە کە گێڵەیمێوە یۆ جە لاستیکەکانو ماشینەکەیمان پەنچەر بی و بە هەزار بۆق نیەیو ئەرکێوە فرەی تاوامان بیاونمێش تا یاگێوە. ئیسە پی بۆنەوە ئامادەگی ئینەیەمانە نیەن کە ئمتحان بدەیمێ. دماو چننە تکاو لاڵەی ئەو ئوستادی، ئوستاد قەرارو ئمتحانەی تەریشان مەنیۆ پەی یەرێ ڕۆی تەری ، ئادیچ تەیوەتی پەی ئی چوار دانشجویەیە. دانشجوەکێ بە فیزە فیز چینەیە کە تاوانشان ئوستادەکەی گۆڵ بدانێ ئەومێوە یەرێ ڕۆی سەراسەر دەرس وەنەی. ڕۆ ئمتحانی بە شانازیێوە فرەی لوەی پەی ئوتاقەکێ ئوستادی تا واچان کە ئامادێنمێ پەی ئمتحان دەی. ئوستاد ماچۆ چوم کەتی ئی ئمتحانە تەیوەتیەن و بەر جە نۆگەو وێشەنە مەگیریۆ، هەر کامتا مەشیۆ دلێ کڵاسێوە جیاوازێ بنیشدێرە و ئمتحان بدەیدێ. ئێدیچێ بۆنە و ئینەیە کە وەختێوە رێکوپێکشا پەنە دریابێ و ئامادێچ بێنێ ئەرینەشا دا بە قسەکێ. ئیسە : ئمتحانەکە دوێ پرسیارێ گێرێ وەرو هەر دوە پێوەرە بیس نمرێ شا بێ : یەک ) نامێ و شۆرەت : دوێ نمرێ دو ) کام لاستیک پەنچەر بیەبێ ؟ 18 نمرێ الف ) لاستیکو ڕاسو وەری ب ) لاستیکو چەپو وەری ج ) لاستیکو ڕاسو دمەی د ) لاستیکو چەپو دمەی
[ 90/12/03 ] [ 14:41 ] [ شعیب خالـدی زاد ]
[ ]
کابرەیوە ژەنێوە زەریفەی بازیگەرەش واسە. وەلێم هەر چا وەختەنە کە گر کەسەی ئاوات وازێ وەنەشان ، جە یەکترینی جیەی بیێ وە !؟ ئەننەش پەنە نەشی لوا هیجوێ یۆتەریو واسەش . ژەنە دووۆمینەکێش کناچێوە سادێ و بێ دنگە بێ کە فرەتەروو قووڵتەر جە ژەنە وەڵێنەکێ وەشەش گەرەکە بێ . قسە ئەوروو بەرەکێ(فزوول) دەوروو بەریش پەرساشا چەنەش : ئەیا ژەنە وەڵینەکێت زەریفتەرە نەوێ ؟ فرە بە حێقمی جواوش داوەو واتش : نە هەرگیز ، ژەنە وەڵینەکێم وەختەی جە چێوەی تووڕێ بێ و قێڕنێ ، واچیشی دڕەندێوە هاروو قیزەونەن . وەلێم ئی ژەنێمە پیسینێ نیەنە ، بە ڕاو ئەمن ئادە هەمیشە جوانەو وەش سەروو سامانەو ژیرەنە . [ 90/11/24 ] [ 22:44 ] [ شعیب خالـدی زاد ]
[ ]
|
درباره وبلاگ  ئـەر وەسڵــەن دادم پــەرێ فـــراقـەن وەر هجرەن پــەی وەسڵ تاقەتم تاقــەن شعیب خالدی زاد : شوعەیب خالدی زاد متولد ، جە ئەدا بیەو : 1363/03/25 پاوە |
| [ طراح قالب : پیچک ] [ Weblog Themes By : Pichak.net ] |
